ليه؟
السلام عليكم و رحمه الله
سؤال بجد هايجنني “ليه؟”
- ليه كل محاولات انعاش الفريق بتفشل؟
- ليه كل الناس بتبقى متحمسه جدآً و هي بتسمع و لما بيتطلب منها حاجة بتنام و تهرب؟
- ليه الناس مش حاسه ان ده عمل تطوعي و له ثوابه و صدقه علم و بتحس ده في شنطه رمضان؟
- ليه الناس كلها بتحب الشغل اللي مافيهوش مخ؟
- ليه الموقع بقاله اكتر من اسبوعين محدش حط عليه حاجه؟
- ليه انا لسه موجود بحاول مع اني مش شايف نتيجة على الموقع؟
- ليه الشباب اللي في الجامعه مشغول في اجازته انه يدّي دورات و يعمل مواقع و مش بيدي اي وقت للشغل هنا لوجه الله؟
- ليه الشباب مش بياخد الفرصة انه يتعلم و يسأل عشان ينافس زمايله اللي بره مصر؟
- ليه لما سألت الناس في مقابله من كليه حاسبات عن Big Oh كلهم اجمعوا انهم اخدوها في سنه تانيه و برضو اجمعوا على انهم مش فاكرين اي حاجه عنها؟
You can follow any responses to this entry through the RSS 2.0 feed. You can leave a response, or trackback from your own site.
h4ck3r
* ليه كل محاولات انعاش الفريق بتفشل؟
جايز عشان كل مره بنجرب الطريقه الللي او حتى على الأقل مش بندرس ايه اللي خلى اللي فاتت متنجحش !؟
* ليه كل الناس بتبقى متحمسه جدآً و هي بتسمع و لما بيتطلب منها حاجة بتنام و تهرب؟
لأن الأفكار الحلوه ممتعه لكن العمل الجد مش كده
* ليه الناس مش حاسه ان ده عمل تطوعي و له ثوابه و صدقه علم و بتحس ده في شنطه رمضان؟
عشان شنطة رمضان معمولها دعايه اكتر وعشان شنطة رمضان اسهل ..
* ليه الناس كلها بتحب الشغل اللي مافيهوش مخ؟
عشان مش متعودين يشغلوه .. و طبقا لعادتنا مش ضروري تشغله !!
* ليه الموقع بقاله اكتر من اسبوعين محدش حط عليه حاجه؟
اكيد ده عشان الناس مش متعوده على النوع ده من المشاركات وحاسين ان الFB اسهل بكتير ..!
وكمان لأن مفيش هنا فكره جامده اوي كده او حاجه هتفوته لو مكتبش
* ليه انا لسه موجود بحاول مع اني مش شايف نتيجة على الموقع؟
عشان انت راجل محترم ونفسك تغير الواقع الأليم بس لوحدك .. بتصعب عليا والله والله بتصعب عليا
* ليه الشباب اللي في الجامعه مشغول في اجازته انه يدّي دورات و يعمل مواقع و مش بيدي اي وقت للشغل هنا لوجه الله؟
ايوه … حاسس ان المفروض تكتب اسمي في الحته ولان الشباب اللي من النوعيه دي و على رأسهم انا لديه من الإلتزامات ما يجعله مشغول حتى النخاع وللأسف كل ما يحاول يطلع راسه من الشغل يلاقي مصر كلها بتقوله شغل ومش جايب همه وعمل تطوعي ايه شغلك اهم .. خصوصا لما يبقى لسه بادئ طريق زي حلاتي ..
ويا سلام بقى لو حاول فعلا وعمل اي نشاط ولقى الناس مش مقدره مجهوده جوا الCAT بيبقى مش طايق نفسه ..
لكن عن نفسي شخصيا بنتهز الفرصه اللي ببقى فيها فاضي عشان اشارك عشان انا عارف ان مشاركتي اهم من ان يحبطها اي شيء ولو كان الرد سلبيه محبطه..!
* ليه الشباب مش بياخد الفرصة انه يتعلم و يسأل عشان ينافس زمايله اللي بره مصر؟
عشان مش كل الناس حاسين بالفجوه .. واللي حاسين محتاسين ..!
* ليه لما سألت الناس في مقابله من كليه حاسبات عن Big Oh كلهم اجمعوا انهم اخدوها في سنه تانيه و برضو اجمعوا على انهم مش فاكرين اي حاجه عنها؟
عشان لما كانوا في سنه تانيه كان المهم انهم يعدوا في الماده دي ..و مش اي حاجه تانيه .!
السؤال الأهم على الإطلاق هو ان هل عدم الأستجابه ده مرض مالوش دواء ؟
إجابتي الشخصيه المتواضعه انه لأ ..!
وان احنا محتاجين نكلم الناس كتير وكتير وكتير جدا كمان بما فيهم انا ونقابلهم شخصيا مش على الموقع لغاية ما يحسوا … ان الموقع ده حل كويس لمناقشة حاجات كتير فيستخدموه ..
من كام يوم كنت بشرح
Unit testing Framework “Simple Test”
وكنت في قمة السعاده لما وريته إزاي نخلي ال
tests
كلها تعدي وإن الموضوع احلى بكتير من ال
debugging
ومكنش حاسس بأي إنبهار خالص لما فكرت في ليه مكنش في إعجاب من أنه مش هيضطر يمشي في كل مسارات تنفيذ البرنامج اكتشفت انه مش عيب فيا ولا في الtesting
خصوصا ان انا حافظت على ان الموضوع يكون من اسهل مايمكن عشان يحبه ولكن السبب الأساسي هوا انه عمره ما عمل
debug
فمش حاسس بالمأساه ..
انا حكيت القصه دي عشان اوضح ان ممكن يكون الحل ان احنا نعمل حمله تحسس الناس بالمأساه
وحمله تانيه نتواجد فيها offline
وإن شاء الله وحضرنا إفطار جماعي نناقش الموضوع تاني
وإذ ربما نعمل فيديو
نسخر
فيه من اوضاع المهندسين والخريجين العاملين في مجالنا مرفق ببعض القصص من واقعنا المرير ..!
اسف على الإطاله و شكرا
بصراحه التعليق السابق ده جاب كل ايللى المفروض يتقال
الواقع مرير مرير بجد…..وعلى رأى ايللى قال مش كل الناس حاسين وايللى حاسين محتاسين ….. محتاسييييييييييييييييين
ولو فعلا الناس بتحب الشغل ايللى مافيهوش مخ دى تبقى كارثه لان مافيش شغل الا ايللى فيه مخ واى حاجه تانيه غير كده تبقى هبل
بجد مافيش حل غير العمل العمل العمل ماعدش فيه مكان ولا وقت للكلام
وانا على فكره لسه فى البدايه برضه …. بس الموقع كلنا استفدنا منه والعلاقه طرديه بين نجاح الموقع ونجاح كل شخص من المشتركين فيه
وفكره الافطار الجماعى هايله وانا اتوقع انها هاتجيب نتيجه كويسه
ليه انا لسه موجود بحاول مع اني مش شايف نتيجة على الموقع؟
لان
على المرء أن يسعى إلى الخير جُهْدَه *** وليس عليه أن تتم المقاصدُ
ماهو يا باشمهندس احمد طالما ان ده عمل تطوعي يبقي حضرتك تنتظر اجره من ربنا لان ده هو الهدف الاساسي
وبعدين الخطوات الاصلاحيه بتحتاج ناس بالها طويل لان تغيير الثوابت الغلط اللي عند الناس مش بتتغير بسرعه بالعكس دي ممكن تاخد سنين
مش عارفه ليه حضرتك حاسس بالاحباط ده مننا احنا فعلا بنتغير وبنتعلم وبنستفيد كتير من حضرتك بس هو ليه بس نتيجه التغيير دي مربوطه عند حضرتك بالمشاركه ع السايت وبس؟هو ده فعلا تقصير مننا بس يعني اهو الخطوه الاولي ان احنا فعليا بدانا نحس بالفجوه اللي حضرتك بتتكلم عنها وبنحاول نتعلم وان شاء الله الخطوه التانيه ان احنا نشارك الناس باللي احنا اتعلمناه
السلام عليكم كل عام وانتم الى الله اقرب وعلى طاعته ادوم
صدق المتنبي حين قال :
على قدر أهل العزم تأتي العزائم وتأتي على قدر الكرام المكارم
وتعظم في عين الصغير صغارها وتصغر في عين العظيم العظائم
تخيل انك حضرت درس او موعظة لشيخ او عالم
والكلام كان مؤثر جدا
ونويت انك تتغير وتعمل حاجات كتير لما ترجع البيت
لو انك على علاقة بالشيخ ده او حد تبدو عليه علامات التقوى وبيتصل عليك مثلاً وانت بتتصل عليه
هتلاقي نفسك عايش نفس جو الدرس وعندك تقريبا نفس الشحنة وبتعمل اعمال صعبة مكنتش بتعملها قبل كده
طب ولو انت وصاحبك بس اللي عارفين بعض
وانتو مستواكم واحد في الهمة لعمل الخير
صعب انكم تتقدموا بسرعة
ولو انت لوحدك هيكون صعب اكثر انك تعمل حاجة حتى ولو بسيطة زي شنطة رمضان
طب انا قصدي ايه من الكلام ده
ان شيخنا هنا مثلا احمد سليمان في مجاله
لما بنشوفه ونحضر محاضرة مثلا بتكون الهمة عالية والشحنة كبيرة
ولما بنرجع البيت
الفتور بيتخلل ونتكاسل
او الشغل بيخدنا وغيره
وقياسا على درس الدين
عشان الناس تدخل المجال ده وتتطوع فيه
محتاجين
درس اسبوعي من احمد سليمان او من اي حد عنده كلمة هامة نشحن بيها بعض
ولو مش هنعرف نتقابل يتعمل فيديو ويطلع على الأرشيف وكلنا نتابعوه
ان الحاضرين نأخذ تليفونات وايميلات بعض مثلاً
ونتابع بعض
ذاكرت ايه
قرأت ايه
الجديد عندك ايه
بين وقت والتاني اللي متأخر نتصل عليه
نعيش جو التدين الصح بجد بس مع الكمبيوتر
والموضوع هنا حسب الهدف
يعني احمد عايز مشروع كبير ويتعمل بسرعة
يبقى عايز يبذل مجهود مع ناس كتير و يجي على نفسه اكتر
زي اللي مقصر في الصلاة او بيدخن
وهو يهمك شوف محاولاتك معاه ايه
هتكلمه كل ما تشوفه وهتحاول معاه على اد ما تقدر
على عكس وضعنا الناس بتكون نفسها تعمل حاجة ونفسها تكون حاجة
بس محتاجة الشعور بروح الفريق الحقيقية …
الموضوع اكبر من مجرد محاضرة ودرس ووعد بعمل مشروع
انت عايز رجال
وزي ماانت عارف الرجال صعب تلاقيهم فلازم تصبر
وفيه حل تاني وهو الأفضل من رأي
انك تصنع رجال لو انت عايز تعمل حاجة لدينك وبلدك
بس الموضوع ده نتيجته مش بتكون لحظية
بالنسبة لمثال شنطة رمضان
في ناس تحب تساهم في شنط رمضان بس فيه ناس بتوزع شنط رمضان
فيه ناس بتوزع في المنصورة وفيه ناس بتروح القرى والنجوع
يعني حتى شنطة رمضان فيها فرق في النشاط
* ليه كل محاولات انعاش الفريق بتفشل؟ عشان فيه فترات بين كل محاولة انعاش والأخرى يعني عايزين محاولات انعاش باستمرار
* ليه كل الناس بتبقى متحمسه جدآً و هي بتسمع و لما بيتطلب منها حاجة بتنام و تهرب؟ عدم وضوح الهدف بالنسبة للناس
* ليه الناس مش حاسه ان ده عمل تطوعي و له ثوابه و صدقه علم و بتحس ده في شنطه رمضان؟ عشان كتير منهم مش مؤمن بكده
* ليه الناس كلها بتحب الشغل اللي مافيهوش مخ؟ عشان مجربوش استخدام المخ قبل كده
* ليه الموقع بقاله اكتر من اسبوعين محدش حط عليه حاجه؟ ممكن لو احنا نعرف بعض اكتر هيكون فيه فرق … لو انا مكانك هكلم الناس على الموبايل واخليهم يدخلوا ويكتبوا
* ليه انا لسه موجود بحاول مع اني مش شايف نتيجة على الموقع؟ انت مؤمن بفكرة
* ليه الشباب اللي في الجامعه مشغول في اجازته انه يدّي دورات و يعمل مواقع و مش بيدي اي وقت للشغل هنا لوجه الله؟ احنا نروح له هناك
يعني نتفق معاه مثلا على ان الكورس لحد من الفريق يكون مخفض او يعمل حاجة على مقاسه
مش لازم يكون هنا
* ليه الشباب مش بياخد الفرصة انه يتعلم و يسأل عشان ينافس زمايله اللي بره مصر؟ الشباب عايز يعرف يعني ايه فرصة ويعني ايه تعليم ويعني ايه مصر
* ليه لما سألت الناس في مقابله من كليه حاسبات عن Big Oh كلهم اجمعوا انهم اخدوها في سنه تانيه و برضو اجمعوا على انهم مش فاكرين اي حاجه عنها؟
لو شافوها تاني هيفتكروها بجد عن تجربة
عشان مفيش ممارسة بس
اسف على الإطالة